Non hai moito propoñiamos, co ánimo de ofrecer claves simbólicas e metáforas para a xestión persoal e colectiva da situación desatada coa da COVID19, inspirarnos na arte do Kintsugi e a súa filosofía. Invítote a retomar esa reflexión. Ver máis.

A idea de reparación deu pé a relacionar o termo Kintsugi coa resiliencia ou capacidade dos seres humanos para adaptarnos positivamente a situacións adversas. Coido que o Kintsugi é unha fermosa metáfora a utilizar no coidado e acompañamento de equipos en tempos de pandemia.

Nestes momentos, o teu equipo seguro que está experimentando con intensidade a adversidade e a vulnerabilidade, e pode que estea sendo superado por elas. As persoas poden sentirse agoniadas, rotas, esgotadas… É preciso coidado, recomposición, restauración…

As persoas son importantes, así como o equipo, a organización e o que a sociedade espera da contribución articulada de todos e todas.

Entendemos que para sobrevivir, para dar o mellor, para sentirse felices traballando en equipo cómpre acougar. Si, primeiro parar… Por que non ir a un Balneario? Ten sentido.

Logo toca valorar a contribución de cada persoa para a construción desa nova realidade compartida que é o equipo. Si, recoñecerse e recoñecer… Por que non avaliar os roles de equipo dende a Metodoloxía Belbin? Achega moita información relevante.

Quizais sexa oportuno coñecer como funciona o equipo, cal é a súa gramática de funcionamento e conversar xuntas sobre como opera no propio equipo. Si, coñecer como funcionan os equipos, como poden funcionar. Por que non participar en obradoiros, con outros equipos, e aprender e compartir xuntos? Un equipo decátase de que o que lle pasa é normal, natural.

E seguramente sexa necesario falar. Ter conversacións, experimentar dende as emocións, traballar dende o corpo. Si, traer xuntas o que non sabemos ou non nos atrevemos a considerar ou abordar do que xuntas construímos: do equipo. Por que non participar en sesións outdoor fóra da cotidianeidade do equipo? É unha oportunidade para falar do que non se fala…

VIRADA Equipos é unha proposta de fortalecemento de equipos naturais que recolle estas e outras dimensións. Bótalle un ollo ao Dossier.

Está o teu equipo no momento propicio, no Kairós, para que se ocupe de si mesmo e estea máis preparado para enfrontar unha mar cada vez máis imprevisible?

Dálle unha volta… Dende VIRADA cremos que estamos no mellor momento. Falamos?

 

David Pereiro, Responsable de VIRADA

Voltar

Deixa un comentario

O teu enderezo electrónico non se publicará Os campos obrigatorios están marcados con *