As administracións recollen a luva á centralización dos buzóns de correos electrónicos para dispoñer, nun futuro próximo, dun único “buzón de correos electrónico” ao que cheguen todas as notificacións de todas as administracións e facilitar así o labor dos administrados, que evitarán saltar de web en web para cotexar o seu correo diario.
A creación da DEHú (Dirección Electrónica Habilitada única) permitirá adherirse progresivamente a todos os organismos públicos en función das súas propias axendas e normativas. A Axencia Tributaria AEAT xa canaliza, desde o pasado 6 de setembro de 2021, todas as notificacións e comunicacións a través desta canle única.
A AEAT estableceu como período transitorio ata o día 4 de abril de 2022 para a adaptación dos desenvolvementos necesarios. Ata esta data, manterase o envío das notificacións á DEH (a súa caixa de correos anterior), como ata este momento.
Antes desa data, todos os usuarios deberán habilitarse na DEHú para evitar a perda de comunicacións e notificacións da Axencia Tributaria.
Coa creación da DEHú búscase conseguir que haxa un único repositorio dixital de notificacións de todos os organismos públicos de España, evitando a consulta das diferentes sedes electrónicas existentes.
Recomendámosvos que consultedes a información relativa aos organismos que xa empregan devandito sistema, o modo de uso, e demais, na seguinte dirección https:// dehu. redsara.es/.
En calquera caso, desde Algalia estamos ao dispor dos nosos clientes para calquera dúbida respecto diso, no teléfono 986 379 587 ou no correo [email protected]
