Trasladámosvos información de interese sobre prazos en materia de Seguridade Social relacionadas con esta situación excepcional COVID-19.
Que prazos ven afectados o ámbito da Tesouraría Xeral da Seguridade Social pola declaración do estado de alarma?
Unicamente suspéndense os prazos relacionados co procedemento de recadación de cotas da Seguridade Social. A Tesouraría Xeral da Seguridade Social non poderá emitir os seguintes actos:
- Reclamacións de débeda
- Providencias de prema
- Dilixencias de embargo
- Calquera outro trámite, tanto en vía voluntaria como executiva, salvo as medidas estritamente necesarias que poida adoptar a Tesouraría Xeral da Seguridade Social na tramitación para evitar prexuízos graves ao interesado, sempre que este manifeste a súa conformidade, ou cando o interesado manifeste a súa conformidade con que non se suspenda o prazo.
Que obrigacións deben seguir cumprindo as empresas e traballadores, por non estar afectadas pola interrupción de prazos?
Non ven afectados os prazos correspondentes aos ámbitos da afiliación, a liquidación e cotización á Seguridade Social, mantéñense as seguintes obrigacións para as empresas e os traballadores:
- Inscrición de empresas.
- Afiliación ao sistema de Seguridade Social.
- Altas, baixas e variacións de datos de empresas e traballadores.
- Liquidación e cotización de cotas e conceptos de recadación conxuntos.
- Ingreso das cotizacións no prazo regulamentario.
Que sucede si non se ingresan as cotizacións mensuais?
En caso de non ser ingresadas as cotizacións nos prazos establecidos, aplicaríase a recarga correspondente. Con todo, a reclamación de débeda non se notificará ata que finalice a interrupción de prazos establecida como consecuencia da declaración do estado de alarma.
Que sucederá co cómputo dos prazos dos procedementos referidos a prestacións da Seguridade Social durante a situación do estado de alarma?
Suspéndense termos e interrómpense os prazos para a tramitación dos procedementos referidos a prestacións da Seguridade Social.
O cómputo dos prazos renovarase no momento en que perda vixencia o citado real decreto ou, no seu caso, as prórrogas do mesmo.
Marta Armada Responsable do servizo laboral de Algalia
