O Consello de Ministros aprobou este martes o PERTE de Economía Social e dos Coidados, dotado con 800 millóns de euros, e que involucra a 12 ministerios a través de 9 liñas de actuación. Entre os seus fins atópase redimensionar e internacionalizar ás empresas englobadas neste paraugas, fundamentalmente cooperativas, pero tamén outro tipo de modelos organizativos como confrarías de pescadores.
Segundo estima a Confederación Empresarial Española da Economía Social ( CEPES), este PERTE aumentará nun 1% o peso da economía social no PIB, que actualmente supón en torno ao 10% do PIB, representa a máis de 43.000 empresas e máis de 2,5 millóns de empregos. Un vector que a vicepresidente segunda, Yolanda Díaz, equiparou ao do sector turístico en España.
En relación ao sector da Economía dos Coidados, co que este PERTE de economía social comparte protagonismo, a patronal asegura que “se contribuirá a dixitalizar e modernizar os coidados ás persoas introducindo tecnoloxía sofisticada que dea unha maior calidade a millóns de persoas. A economía social representa máis do 43% da oferta privada de servizos de atención á dependencia e outros servizos sociais”.
Podes descargar o documento aquí.
