Consultoría en estratexia corporativa e competitiva

Escoitamos

“Teño que meterme en calidade, teño que meterme en competencias, teño que facer un código ético… que é o que teño que facer?”.

“A xente traballa, fai o que pode, pero non sente o proxecto. Qué foi o que pasou?”.

“Levamos xa vinte anos, e non sabemos moi ben como actualizar o noso proxecto. Estamos acomodados”.

“As veces teño a sensación de perdemos o “para quen” traballamos na nosa organización”.

Traballamos convosco para asegurar o futuro estratéxico da vosa organización, para mellorar o voso proxecto, para mellorar a gobernanza, para modificar a cultura da vosa entidade. Para acompañarvos a cambiar na dirección que queredes.
Diferenciamos e damos resposta estratéxica tanto no eido corporativo como no de servizos.
Escoitaremos os vosos coñecementos, emocións, xuízos e crenzas que residen nas persoas e equipos. E desde o máximo respecto seremos facilitadores de cambio.
Incorporamos pensamento estratéxico nos procesos de planificación e de toma de decisións, nas persoas e nos equipos que conforman o goberno e dirección da organización.
Metodoloxía baseada no modelo Canvas de Alexander Osterwalder e adaptada á realidade da economía social por LKS Coop, consultora pertencente ao Grupo Mondragón.