ALGALIA Sociedade Cooperativa Galega subscribe os obxectivos expostos polos movementos feministas para a folga do 8 de marzo de 2019.
En coherencia cos nosos Principios Cooperativos de Transformación Social e Carácter universal nos que manifestamos a nosa vontade de desenvolver unha transformación social solidaria que contribúa á edificación dunha sociedade galega máis libre, xusta e solidaria, o Consello Reitor de ALGALIA Sociedade Cooperativa Galega subscribe os obxectivos expostos polos movementos feministas para a folga do 8 de marzo de 2019.
Con esta folga, os movementos feministas queren:
- Pór en evidencia que sen mulleres, párase un país.
- Denunciar a violencia machista e unha situación de distribución desigual do poder entre homes e mulleres na que os varóns teñen preeminencia en varios aspectos sobre a muller.
- Evidenciar as cargas que soportan as mulleres.
- Xerar alternativas feministas.
Polo tanto, a folga realizarase en catro vertentes:
- de emprego,
- de estudantes,
- de coidado e
- de consumo.
Animámosvos a reflexionar sobre esta realidade e a situarvos respecto á chamada que fan os movementos feministas. Para máis información, premer aquí.
Consello Reitor de ALGALIA S. Coop. Galega.
