Tomámonos un respiro?

VIRADA vai de adestramento, de practicar, de probar para mellorar o teu liderado. E o traballo empeza, coma sempre, polo recurso que se ten máis a man: a persoa dunha mesma.

Nesta ocasión compartimos un material elaborado por Isabel Fernández, do Equipo BIDERA de FUNDACIÓN EDE, o noso programa irmán en Euskadi. Eskerrik asko!

Isabel explícanos que é a Atención Plena (Mindfulness), unha maneira de tomarnos un respiro e recuperar o noso centro.

“Se aspiramos a liderar a outros, é esencial aprender a liderarnos a nós mesmas e neste terreo a Atención Plena pode xogar un papel importante.

Mindfulness, tamén coñecido como conciencia plena ou atención plena, é unha actitude de prestar atención aos acontecementos da vida no momento presente con aceptación e interese no que está a suceder.

Mindfulness é unha habilidade. E a meditación é a técnica para desenvolver a habilidade da atención plena. A orixe está na meditación vipassana (observación dos estados cambiantes da mente). Meditación non é relaxación, é estar co que hai no agradable e desagradable. Fácil de dicir, complicado de facer, pola cantidade de estímulos da contorna. A dificultade para concentrarse prodúcese pola infinidade de distraccións. A desorientación e perda de foco: todo reclama a túa atención e desvíate da túa Visión”.

Anímaste a practicar unhas respiracións? Con este audio serache máis sinxelo.

Se desexas afondar máis, convidámosche a ler este breve documento: Atención plena

Boa reflexión, e boa sorte!

Se te animas a compartir a túa reflexión farás un agasallo para as persoas que visitan a web de ALGALIA. Escoitámosche de forma sublime. Anímate a comentar!

Equipo VIRADA. Ander, Itzi, Celso, Begoña e David.