En VIRADA entendemos as organizacións como realidades vivas nas que as persoas, os equipos e a propia organización como tal, interactúan sistemicamente. Desde este paradigma, e coa contribución do coaching, ofrecemos acompañamento a persoas, equipos e organizacións para facilitar o logro dos seus resultados.
- VIRADA ofrece acompañamentos de coaching a persoas abertas a procesos de aprendizaxe que lles sirvan a resolver as dificultades ou enfrontar os retos que se lle presentan no exercicio do seu liderado.
- VIRADA ofrece acompañamentos de coaching a equipos de recente creación, ou de extensa traxectoria, que queiran reflexionar, xerar pensamento crítico e estimular diferentes puntos de vista para dispoñer de máis posibilidades para o seu crecemento e incremento do seu desempeño.
O noso equipo de coachs
David Pereiro. Coach de persoas e equipos.
É responsable do Programa VIRADA, consultor de estratexia e coach na área de Consultoría de ALGALIA.
Facilita procesos de planificación estratéxica, elaboración e avaliación de proxectos para entidades de economía social e administracións públicas.
É educador social, licenciado en Filosofía (USC), Posgrao en Programas de Intervención Familiar (UDC), Máster en consultoría e xestión de procesos de desenvolvemento organizacional (Universidade de Valladolid), Máster en coaching de persoas e equipos (Mondragon Unibertsitatea) e Posgrao en coaching de equipos (Mondragon Unibertsitatea).
[email protected] / 687879414
Begoña Suárez. Coach de persoas e equipos.
É xerente da Asociación AMIPA desde 2009 e colaboradora de ALGALIA como coach desde 2018.
Desenvolveu o seu labor profesional na administración local e como formadora en diversos cursos relacionados co ámbito xurídico e social, na administración local e en entidades non lucrativas.
Licenciada en Dereito (USC), Máster en Dirección e Xestión de Centros, Recursos e Servizos para a Atención á Dependencia (USC), Máster en coaching de persoas e equipos (Mondragon Unibertsitatea) e Curso de experto en coaching de sistemas relacionais e de equipos (Mondragon Unibertsitatea).
[email protected] / 628378699
María José Nóvoa. Coach de persoas e equipos.
É directora Técnica Xeral-Xerente da Asociación de Axuda ó Enfermo Mental “A Mariña” desde 2009 e colaboradora de Algalia como coach desde o 2021.
Desenvolveu o seu laboral profesional como Animadora Socio-Cultural, Traballadora Social, Responsable de Calidade e Directora de Centros de Rehabilitación, Pisos Protexidos e Residencia desde que iniciou a súa andaina profesional en 2001.
Voluntaria e formadora, é Diplomada en Traballo Social (Universidade de Vigo), Máster en Formación, Xestión e Dirección en Autonomía, Dependencia e Discapacidade (UNED), Máster en Xestión, Intervención e Rehabilitación Psicosocial en Saúde Mental (UNED), Máster en Intervención con Mulleres Vítimas de Violencia de Xénero, Titulación Universitaria en Igualdade de Xénero (Instituto Europeo de Estudos Empresariais) e Máster en Coaching de Persoas e Equipos (Mondragon Unibertsitatea).
[email protected] / 658323312
Miguel Barbosa. Coach de persoas e equipos.
É consultor de desenvolvemento organizativo, coach, e responsable da área de Consultoría en ALGALIA.
Diplomado en Ciencias empresariais (especialidade de Recursos humanos) (UdeVigo), e Relacións Laborais (UdeVigo), Máster en coaching de persoas e equipos (Mondragon Unibertsitatea), Posgrao en coaching de equipos (Mondragon Unibertsitatea), Máster en Calidade (INGAFOR), Máster en Xestión Ambiental (INGAFOR) e Máster en Prevención de Riscos laborais (INGAFOR).
É formador en diferentes Máster e Cursos superiores de Calidade, prevención de riscos laborais, recursos humanos e medioambiente.
[email protected] / 637482484
Celso Gándara. Coach de persoas.
É xerente de ALGALIA e coach.
Licenciado en Ciencias Económicas e Empresariais (USC), Máster en coaching de persoas e equipos (Mondragon Unibertsitatea), Programa Superior en Dirección e Xestión de Cooperativas (Escola Negocios A Fundación), Posgrao en Dirección e Administración de organizacións non lucrativas ( UdeVigo) e Posgrao en Inserción Laboral de Persoas con Discapacidade (Fundación Paideia).
[email protected] / 687879412
Laura Ramírez. Coach de personas e equipos.
É directora técnica en Alento, Asociación de Dano Cerebral desde o 2015, ademais de responsable e formadora da Escola DCA na mesma entidade. Desde o 2024, é colaborada de Algalia como coach.
Licenciada en Psicoloxía (UCM) con certificado de habilitación Sanitaria e Máster en sexología e terapia sexual, leva exercendo o seu labor profesional desde o 2005 ata a actualizade, sempre en ámbitos do terceiro sector.
Cursou o Máster en Coaching de persoas e equipos da Mondragon Unibersitatea e está acreditada como Facilitadora de Mindfulness pola International Practitioners of Holistic Medicine (IPHM).
[email protected] /667558299
