A Xunta Directiva da Confederación Empresarial Española da Economía Social (CEPES), en calidade de Organismo Intermedio do “Programa EFESO”, cofinanciado polo Fondo Social Europeo (FSE +), aprobou o pasado 11 de febreiro a Resolución Final dunha nova convocatoria de Axudas FSE +, o que supón un total de vinte e nove proxectos en dez comunidades autónomas por valor de 8.369.522,51 de euros.
Algalia foi unha das entidades beneficiarias para desenvolver o proxecto VIRADA Teal entre xaneiro de 2025 e decembro de 2027.
VIRADA Teal está dirixido a empresas de economía social de Galicia como principais beneficiarios e busca facilitar a evolución destas entidades cara a modelos organizacionales onde as persoas sentan máis cómodas, participen activamente no propósito da empresa e desenvolvan formas máis horizontais de organizarse.
Baseado na Teoría U de Otto Scharmer e no modelo de organizacións “teal” de Frederick Laloux, propón un cambio cultural baseado na autogestión, a plenitude persoal e un propósito evolutivo en catro fases:
- Vémonos: Realízase un diagnóstico da cultura organizativa da empresa e elabórase un plan de empresa para o desenvolvemento TEAL.
- Capacitámonos: As persoas das empresas participantes reciben formación en liderado para a transformación cultural TEAL e como axentes de cambio TEAL.
- Ocupámonos: Impleméntanse as medidas do plan de empresa, con acompañamento de profesionais en xestión do cambio.
- Conectámonos: Establécense alianzas con outras empresas e axentes, tanto públicos como privados, para favorecer a intercooperación.
O proxecto ofrece servizos de asistencia técnica, capacitación e acompañamento para a implementación de melloras organizativas a través de metodoloxías como Holacracia, Sociocracia, Xestión Áxil, Dragon Dreaming, Design Thinking e Comunidades de Práctica.
A realización de talleres, sesións de acompañamento, coaching e mentoría facilitarán o proceso de cambio, ademais de xerar un impacto positivo nas comunidades locais, especialmente no ámbito rural galego, a través da conexión en rede entre as empresas e outros actores.
En definitiva, o proxecto VIRADA Teal busca transformar ás empresas de economía social en Galicia, facéndoas máis sostibles, competitivas e innovadoras mediante un enfoque nas persoas e a colaboración.
Esta recente resolución, que permitirá a Algalia desenvolver VIRADA Teal, responde á cuarta das convocatorias de axudas FSE+ no marco do Programa de Emprego, Educación, Formación e Economía Social, EFESO, publicada o pasado 24 de xullo de 2024 por CEPES como Organismo Intermedio. A finalidade era seleccionar, en réxime de concorrencia competitiva, proxectos que tivesen como fin apoiar o crecemento, fortalecemento e consolidación de entidades e empresas de Economía Social, especialmente, cooperativas, sociedades laborais, confrarías de pescadores ou mutualidades de previsión social.