Como podemos avanzar na transformación dixital que estamos a vivir para que estea ao servizo das organizacións e orientada ás necesidades das persoas?
Esta é a pregunta lanzada desde o grupo colmena no que participa, desde hai tempo, o consultor de Algalia, Miguel A. Barbosa, quen, ademais, é membro do CDTI, o grupo de innovación do Icong.
Para xerar un espazo adecuado no que abrir conversacións a este respecto, o pasado 28 de xuño tivo lugar en Madrid, baixo un formato de World Café, un encontro entre diferentes actores do sector. Nel reflexionaron e exploraron sobre outras formas de estar e traballar xuntos, onde a conexión e o coidado das persoas sexa un valor imprescindible. Tras a xornada, celebrada nun ambiente acolledor e distendido, xurdiron ideas, acordos e camiños de acción creativos e innovadores que plasmaron nesta acta visual.