Axudas destinadas a accións de fomento da prevención de riscos laborais

16 de January de 2020

Convocante

Consellería de Economía, Emprego e Industria

Diario Oficial de Galicia

Esta orde ten por obxecto levar a cabo accións de formación, sensibilización, asesoramento e fomento da prevención de riscos laborais en Galicia.

Liña 1: formación e actividades de asesoramento e sensibilización en materia de prevención de riscos laborais de carácter intersectorial.
Liña 2: formación e outras actividades de fomento en materia de prevención de riscoslaborais de carácter sectorial.

Liña 1, poderán ser beneficiarias desta liña:

As asociacións empresariais e as organizacións sindicais intersectoriais, no ámbito da Comunidade Autónoma de Galicia, constituídas ao abeiro da Lei 19/1977, do 1 de abril,sobre regulación do dereito de asociación sindical.

Liña 2, poderán ser beneficiarias desta liña:

As asociacións empresariais galegas sectoriais ou intersectoriais constituídas ao abeiro da Lei 19/1977, do 1 de abril, sobre regulación do dereito deasociación sindical.
As organizacións sindicais con representatividade no ámbito da Comunidade Autónoma de Galicia, tanto de carácter sectorial como intersectorial.
As fundacións sectoriais paritarias para a promoción da prevención da seguridade e saúde laboral, nadas da negociación colectiva o de acordos sectoriais, con sede e actividade en Galicia.
As asociacións profesionais de persoas traballadoras autónomas rexistradas segundo o establecido no Decreto 406/2009, do 22 de outubro, que recollan expresamente nos seus estatutos que teñen entre os seus fins o fomento da prevención de riscos laborais.