Consultoría económica

Escoitamos

“Ao final teño unha contabilidade, unhas aplicacións, cumpro coas miñas obrigacións contables e fiscais, pero non teño información económica para fundamentar as decisións que hei de tomar”.

“Non teño claro se nos temos que meter neste novo proxecto. Afectará o resto de servizos? A partir de que momento será viable?”.

“Necesito saber como evoluciona o meu custo-praza nos diferentes servizos que presto. Teño claro que é un dos meus indicadores de referencia, pero non me fío dos datos que estou a manexar”.

Propoñemos

Traballamos convosco nun proceso de análise dos problemas económicos, obtendo a información necesaria para identificar unha selección de alternativas e que poidades tomar decisións

A orientación das nosas propostas de actuación focalízase no proceso de toma de decisións, co cal coidamos especialmente a información e o acompañamento aos responsables.
Incorporamos as aplicacións de xestión dunha forma integral e integrada dentro dos procesos habituais que existen na administración dunha organización. Buscaremos nas nosas propostas de actuación a coherencia coa estratexia.
Escoitaremos os vosos coñecementos, emocións, xuízos e crenzas que residen nas vosas persoas e equipos. E desde o máximo respecto seremos facilitadores de cambio.

Acordamos

Estudos de situación económica da entidade ou dalgunha liña de servizos.
Elaboración de plans de negocio e de viabilidade.
Optimización dos departamentos de administración da entidade a través de melloras tecnolóxicas e de procesos.