A ética como referente nas organizacións

Con este título, a área de Estratexia e Formación de Algalia facilitou a realización dun obradoiro de catro horas de traballo para 25 profesionais da Asociación Autismo Burgos o 21-06-2011. Os obxectivos desta acción formativa de reflexión conxunta foron os seguintes:

• Refrescar o contido dos referentes axiolóxicos que operan no sector da discapacidade e na Asociación Autismo Burgos.
• Reflexionar sobre o alcance dos referentes axiolóxicos no desempeño profesional no ámbito da atención a persoas con discapacidade.
• Contribuír ao desenvolvemento na Asociación Autismo Burgos dunha cultura organizativa asentada en referentes éticos.
• Identificar os novos retos que presenta á intervención con persoas con trastorno do autismo e as súas familias, o desenvolvemento organizativo dos referentes éticos da entidade.
• Estimular o aliñamento do desempeño dos profesionais cos referentes éticos formulados na entidade.

Os participantes tiveron a oportunidade de avanzar na definición e afondamento da carta de valores da entidade, e para axustar a redacción dos valores esenciais compartidos, seguiron as recomendacións que fan Salvador García e Simon Dolan Na dirección po valores.

1. Poucos, e fáciles de lembrar.
2. Asociados a unha breve definición.
3. Significativos para a estratexia da organización.
4. Escollidos de forma participativa.
5. Significativos para as necesidades dos profesionais.
6. Transmitidos mediante un proceso específico de comunicación e formación.
7. Percibidos como algo polo que paga a pena comprometerse libremente.
8. As persoas séntense cómodas ao participar en rituais derivados deles.
9. Coherencia entre teoría e práctica directamente proporcional ao nivel xerárquico.
10. Grao de cumprimento avaliado periodicamente e asociado a recoñecemento e outras recompensas.
11. Convertidos en obxectivos de acción medibles.
12. Cuestionados e reformulados periodicamente.

Un bo exemplo de formulación de valores esenciais compartidos ofrécenoo Cruz Vermella.