{"id":1792,"date":"2016-06-28T09:09:48","date_gmt":"2016-06-28T07:09:48","guid":{"rendered":"https:\/\/algalia.com\/?p=1792"},"modified":"2021-03-15T15:05:00","modified_gmt":"2021-03-15T13:05:00","slug":"ramon-y-cajal-teria-que-adaptarse-xa-non-se-pode-traballar-en-soidade","status":"publish","type":"post","link":"https:\/\/algalia.com\/gl\/ramon-y-cajal-teria-que-adaptarse-xa-non-se-pode-traballar-en-soidade\/","title":{"rendered":"Ram\u00f3n y Cajal ter\u00eda que adaptarse: xa non se pode traballar en soidade"},"content":{"rendered":"

\"am\u00f3n<\/p>\n

Debuxo de neuronas de Ram\u00f3n y Cajal<\/strong><\/p>\n

Te\u00f1o o v\u00edvido recordo xuvenil de Adolfo Marsillach interpretando a Santiago Ram\u00f3n e Cajal nunha serie de TVE dos anos 80. Sendo rapaz quedoume gravada a \u00a0paix\u00f3n, entrega e determinaci\u00f3n do cient\u00edfico espa\u00f1ol. Marcoume dalgunha maneira o feito de que o seu maior logro fora froito dun esforzo tit\u00e1nico individual e solitario. Intrigoume o feito de que deber\u00eda de haber outros cami\u00f1os menos heroicos e m\u00e1is pracenteiros para levar a resultados semellantes ou superiores.<\/p>\n

Pasou tempo desde os 80, e moito mais desde aquel 1906\u00a0 en que Ram\u00f3n y Cajal<\/a> foi reco\u00f1ecido co Nobel en Medicina. No mundo actual logros deste tipo son xa inconcibibles. Os grandes avances son froito de traballos coordinados entre equipos. Un bo exemplo en medicina \u00e9 o Proxecto Xenoma<\/a> para cartografiar o xenoma humano.<\/p>\n

En todos estes anos en que tiven o privilexio de acompa\u00f1ar a moitas organizaci\u00f3ns de econom\u00eda social nos seus esforzos de desenvolverse como organizaci\u00f3ns foise asentando en min \u00a0a convicci\u00f3n de que o factor humano \u00e9, sen d\u00fabida, a diferenza que marca a diferenza entre o \u00e9xito e o fracaso. Sobre todo o papel das persoas con responsabilidades de direcci\u00f3n e liderado. E no s\u00e9culo XXI xa case nada de alcance faise en soidade, por moita determinaci\u00f3n que se te\u00f1a. Os retos son grandes e complexos.<\/p>\n

Os grandes retos esixen traballo en equipo, e este non sucede dunha maneira efectiva se non se traballa, isto \u00e9, se non se toma conciencia e non se adestra. Sobre todo, se non se adestra.<\/p>\n

Sabemos cales son os m\u00fasculos a desentumecer, os grupos musculares que han de soportar estrutura e cales favorecer movementos, as claves da disposici\u00f3n mental para abordar un esforzo ou un reto compartido, o tipo de respiraci\u00f3ns que osixenan os tecidos das organizaci\u00f3ns \u2026 Avanzamos moito en saber como funcionan os equipos, como funcionan as organizaci\u00f3ns, como se comportan as persoas.<\/p>\n

A toma de conciencia (formaci\u00f3n) e o adestramento (coaching de equipos) son recursos v\u00e1lidos e oportunos para o desenvolvemento de equipos efectivos, equipos do s\u00e9culo XXI.<\/p>\n

A t\u00faa organizaci\u00f3n conta con persoas con gran capacidade que deciden non p\u00f3r toda a carne no asador. A t\u00faa organizaci\u00f3n necesita equipos que logren resultados que non son capaces de imaxinar. A t\u00faa organizaci\u00f3n quere cambiar o mundo das persoas para as que traballa. Recom\u00e9ndoche que coides o factor humano, que coides \u00e1s persoas ofrec\u00e9ndolles adestramento, que coides os equipos de direcci\u00f3n e liderado.<\/p>\n

O Programa VIRADA<\/a><\/strong> \u00e9 a nosa proposta para o fortalecemento de equipos de direcci\u00f3n en entidades de econom\u00eda social. \u00c9 a proposta de Algalia <\/a>e Fundaci\u00f3n EDE<\/a>. Falamos? Para acceder ao Programa VIRADA<\/a><\/strong>.<\/p>\n

Aqu\u00ed podes entreterche con outras reflexi\u00f3ns sobre este asunto.<\/p>\n