Modificacións substanciais das condicións de traballo

Coa reforma laboral do 12 de febreiro de 2012 se modifica o artigo 41 do Estatuto dos Traballadores que fai relación ás modificacións substanciais das condicións de traballo. Enténdese por estas as modificacións que alterando o contido da prestación laboral afectan, entre outras, a: xornada de traballo, horario e distribución do tempo de traballo, réxime traballo a quendas, sistema remuneración e contía salarial, sistema de traballo e rendemento. Estas poden afectar a condicións establecidas en contrato de traballo, acordos ou pactos colectivos ou recoñecidos por decisión unilateral do empresario.

Hai dúas clases: a colectiva, que son as que afectan, nun período de 90 días, polo menos a: 10 traballadores en empresas de menos de 100; 10% de traballadores en empresas entre 100 e 300 traballadores; 30 traballadores en empresas de máis de 300. A individual é a que, no período de referencia de 90 días non alcance os limiares antes sinalados.

En canto ao procedemento tamén varía si é individual ou colectivo. No primeiro hai que facer comunicación ao traballador e os seus representantes legais cun preaviso de 15 días. No colectivo débese abrir un período de consultas cos representantes dos traballadores por un prazo máximo de 15 días. Finalizado o mesmo sen acordo hai que notificarllo aos traballadores, fornecendo efectos a medida no prazo de 7 días seguintes a tal notificación.

As opcións que ten o traballador en caso dunha modificación de carácter individual son: Impugnar a medida ante a xurisdición social no prazo de 20 días; rescindir o contrato con dereito a unha indemnización de 20 días por ano traballado si resultase prexudicado en xornada de traballo, horario e distribución de tempo de traballo, réxime do traballo a quendas, sistema de remuneración e contía salarial. A terceira opción é extinguir o contrato cando a modificación realizouse sen respectar o establecido no artigo 41 do Estatuto dos traballadores e redunde nun menoscabo da dignidade do traballador.

As opcións na colectiva, son as mesmas, pero tendo en conta que no caso da impugnación ante a xurisdición social pódese facer individualmente por cada traballador ou a través da presentación de conflito colectivo.

Rafael Carrasco
Socio responsable do área laboral de Algalia